BAAdagi mashhur dam olish maskanlari

Sayyohlar orasida eng taniqli va mashhurlari, Dubay va Sharja dam olish maskanlaridir.

Dubay - eng yuqori darajadagi hashamat va o‘yin-kulgu ramzi. Ammo bu oddiy sayyohning Dubayda dam olishga qurbi yetmaydi degani emas. U yerda ancha erkin mehmonxona va kafelar mavjud. Jamoat transporti (avtobus yoki metro) arzon. Agar siz xarid qilishni istamasangiz ham, eng yaqin savdo markazlarini bir tomosha qiling. Ular hatto nozik ta’bli sayohatchilarni ham hayratda qoldiradi. Sharqona boy bezak, hayratli shisha akvariumlar, vohalar, oltin bozorlari.

Butun dunyodagi texnika yangiliklari va hashamatli brendlar birinchi navbatda aynan shu yerga keladi. Agar sizning byudjetingiz cheksiz bo‘lsa, siz yaxtadagi ziyofatlardan tortib to havo shari yoki vertolyotda uchishgacha bo‘lgan barcha orzularingizni amalga oshirishingiz mumkin.

Sharja - ancha arzon narxli dam olish maskani. Tinch yoki oilaviy dam olish uchun mos keladi. Amirlikda qonunlar jiddiyroq. Misol uchun, u yerda siz spirtli ichimliklar topa olmaysiz. Ammo ajoyib xizmat ko‘rsatish, sog‘lomlashtirish va dam olish dasturlari, shuningdek, bog‘lar va diqqatga sazovor joylar bor.

Fujayra - ochiq havoda sayr qilishni ishqibozlarini, suv osti dunyosini ko‘rishni istaganlarni quvontiradi. Sho‘ng‘ish va snorkelingni sevuvchilar aynan shu yoqqa borishadi. Amirliklarning barchasida mukammal sifatli yangi dengiz mahsulotlari mavjud.

Abu Dabi - asosiy amirlik, poytaxt. Bu yerda dam olish, eng qimmatlaridan. Odatda sayyohlar bu yerga 1-2 kunga, mahalliy diqqatga sazovor joylarni ko‘rish uchun kelishadi.

BAAning diqqatga sazovor joylari: nimalarni ko‘rish mumkin?

Burj Xalifa

Ginnesning rekordlar kitobiga kiritilgan dunyodagi eng baland osmono‘par bino. Uning balandligi 800 metrdan oshadi. Dunyodagi eng baland kuzatuv maydoni 472 metr balandlikda joylashgan. Burj Xalifaga sayr, odatda o‘zining go‘zalligi va hayratlanarli taassurotlari bilan noyob bo‘lgan dunyodagi eng mashhur va eng baland kuylovchi favvoralariga sayohatni o‘z ichiga oladi.

Palma

Inson qo‘li bilan yaratilgan yangi dunyo mo‘jizasi, hatto koinotdan ham ko‘rinib turadi. Sun’iy orollar xurmo palmasining o‘zidek shakliga ega. Ularda hashamatli mehmonxonalar, akvapark va boshqalar joylashgan.

Dubay Moll

Eng katta akvariumga ega bo‘lgan dunyodagi eng katta savdo markazi. Alohida to‘lov evaziga sho‘ng‘ish jihozlari bilan suvga sho‘ng‘ishingiz yoki shaffof tubli qayiqda suzishingiz mumkin. Hatto akulalar, skatlar va boshqa ekzotik dengiz hayvonlari suzadigan tonnalab suv ostidagi tunnellar ichida yurish ham kishiga zavq beradi.

Bu yerda yana kompyuter o‘yinlari parki, konkida uchish maydonchasi, uchta tabiiy zonaga ega hayvonot bog‘i va shunchaki raqobatbardosh narxlarda jahon brendlari mavjud. Eng muhimi - har bir xaridorga o‘zini eng muhim shaxs sifatida his qilish imkonini beradigan yuqori darajadagi xizmat.

Ferrari World

Ferrari tematik parkida, parkning bezalishidan tortib to ekstremal attraktsionlargacha bo‘lgan hamma narsa kishiga zavq beradi. U yerda “Formula 1” poygasining katta va kichik muxlislari uchun hamma narsa bor. G‘ayrioddiy va ramziy avtomobillar, treklar va tarix jonlanadi.

Luvr Muzeyi

Hashamatli jimjimador ochiq gumbaz zamonaviy muzey va ko‘rgazma markazining 55 ta binosini birlashtiradi. BAAdagi hamma narsa kabi ta‘sirchan va ulug‘vor. Bu yerda butun dunyoning eng mashhur va qimmatli eksponatlari - yerda insoniyat tarixining boshlanishidan tortib, zamonaviy san’at asarlarigacha namoyish etiladi.

Tarixiy-etnografik markaz va Tarix muzeyi (Abu-Dabi)

Mahalliy madaniyat va an’analarni bilmoqchi bo‘lganlar uchun.

Arxitektura va tarix ishqibozlariga Abu Dabidagi Shayx Zayed masjidi ham yaxshi taassurot qoldiradi. Qordek oppoq, tilla bilan bezatilgan bino, o‘zining tashqi ko‘rinishi bilan sayyohlarni hayratga soladi va kunning turli vaqtlarida o‘z rangini o‘zgartiradi.
Shuningdek, 19-asr oxirida qurilgan binolari bo‘lgan Dubayning tarixiy Bastakiya tumaniga ham tashrif buyurish kerak (o‘sha paytlarda bu yerda marvarid qidiruvchilar). Shuningdek, Shayx Said saroyi - 19-asrning an’anaviy arab uslubidagi tarixiy binosi ham diqqatga sazovor.

Al-Jazira parki (Sharja)

Butun oila uchun o‘yin-kulgi ko‘lami jihatidan ta’sirchan maskan. Jumladan, temir yo‘l, bouling, tomosha g‘ildiragi, akvapark, gul parki, kahvaxona, hayvonot bog‘i va boshqalar.

Mahalliy qarash va urf-odatlar

Mehmonxonada va sayyohlar uchun maxsus hududda bo‘lganingizda, siz bemalol odatdagi kiyimingizda yurishingiz, ayollar esa bikinida quyoshda toblanishi mumkin. Ammo jamoat joylarida, shahar chekkasida musulmon davlatining mahalliy urf-odatlari va o‘ziga xos xususiyatlarini inobatga olish kerak.

• BAAda hatto er-xotinlar ham o‘z his-tuyg‘ularini omma oldida ko‘rsatishi mumkin emas (nafaqat o‘pishish, balki qo‘l ushlash ham).
• Aksariyat binolar (jumladan, jamoat transporti) erkaklar uchun alohida joylar va bolali ayollar uchun alohida hududlar bilan jihozlangan.
• Juda qattiq gapirish, janjal qilish mumkin emas.
• Axlat tashlash, chekish, spirtli ichimliklar ichish mumkin emas (sayyohlik hududlari va maxsus barlardan tashqari).
• Ruxsatsiz birovni rasmga tushirish mumkin emas.
• Imkon boricha yopiq kiyim tanlash kerak.
• Boshqa madaniy an'analarda boshqacha talqin qilinishi mumkin bo'lgan barmoq imo-ishoralaridan faoydalanmagan ma’qul.
  

BAAda qonunlar juda qattiq. Ko‘pgina qonunbuzarliklar uchun katta jarimalar, qamoq va hatto mamlakatdan deportatsiya qilish nazarda tutiladi.

Ammo asosiy narsa - bularning barchasi sayyohlarning o‘zlari, mamlakat aholisi va mehmonlarining qulayligi uchun qilinganligini yodda tutish kerak. Zero BAA, hayotning bir maromdaligi, osoyishtaligi, qulayligi va xavfsizligi uchun dunyo yulduzlari yashash uchun tanlaydigan eng gullab-yashnayotgan davlatlar qatoriga kiradi.

BAAga qachon brogan ma’qul?

BAAda dam olish mavsumi yil bo‘yi davom etadi. Jazirama issiqqa o‘rganmaganlar uchun, oktyabrdan maygacha dam olish maqbul bo‘ladi. Bu yerda dengiz hech qachon +20 darajadan sovuq bo‘lmaydi va mehmonxona hovuzlaridagi suv qulay haroratgacha isitiladi. Yozda, havo harorati +50 - +60 darajagacha yetishi mumkin.

Qolaversa, musulmonlar uchun muqaddas oyni ham eodda saqlash joiz. Ramazon har yili har xil vaqtga to‘g‘ri keladi. Ramazon oyida dam olish narxi, albatta, arzonroq. Narxlar, do‘konlardagi narxlardan past, dam olish maskanlari unchalik gavjum emas. Ammo bu oyda joriy qilinadigan cheklovlar (jumladan, hatto sayyohlar uchun ham kunduzi ovqat yeyish va suv ichishning ta’qiqlanishi) noqulaylik tug‘dirishi mumkin.